YESUS BATU PENJURU

Kotbah Minggu Okuli,  24 Maret 2019
Nas: Mazmur 118:22-29

YESUS BATU PENJURU

Selamat Pagi! Sahabat yang baik hati, mungkin saudara pernah diperlakukan tidak adil atau disingkirkan dalam pekerjaan dan usaha anda. Hati kita berontak, mau melawan tak berdaya. Dalam keadaan demikian apa yang saidara lakukan? Okuli artinya: "mataku tertuju kepada Tuhan". Suatu sikap dalam segala perlakuan yang tidak adil yang kita alami percaya kepada Tuhan: Tuhan akan menolong dan melakukan perbuatan besar dalam hidup kita. Sebagaimana kutipan dalam. Mazmur 118:22
Batu yang dibuang oleh tukang bangunan menjadi batu penjuru. Ini adalah suatu pengalaman nyata dalam kehidupan orang percaya.

Perbuatan Allah yang paling besar atas hal ini adalah digenapi di dalam Yesus Kristus melalui peristiwa salib. Salib mungkin bagi Farisi, Ahli Taurat, Herodian dan setiap orang yang hendak menghentikan pemberitaan Yesus Kristus, tetapi menjadi keselamatan bagi setiap orang yang percaya kepada Yesus Kristus.

Karena itu marilahnkita bersukacita, karena Tuhan telah melakukan perbuatan besar dalam hidup kita.

Untuk selengkap saya lampirkan kotbah berikut dalam Bahasa Batak..

Kotbah Minggu, 24 Maret 2019
Nas: Mazmur 118:22-29

*BATU NA BINOLONGKON GABE BATU PARSUHI*
(Psalm 118:22-29)

*Patujolo:*

Psalm 118 ima mangondolhon asa mandok mauliate angka na porsea i di pambahenan ni Jahowa di ngoluna. Dihatindanghon Parpsalm i do tung godang angka pambahenan ni Jahowa ni ngoluna na paluahon, mangondihon jala mangurupi ibana di pardalanan ni ngolu on. Tarlumobi mai di panulingkition di pambahenan ni Jahowa di ngolu ni angka na porsea, na sipata masa naso tinagam dohot naung dietong so marguna manang so marlapatan alai gabe dipauli Debata gabe na ummarga situtu. Ido umbahen na didok parPsalm on: ‘batu naung binolongkon ni angka pande bagas, ima jadi batu parsuhi.’ (Psalm 118:2). Sada panghatindanghonon doi di ngoluna paboa jolma naung dihaliangi hamatean, naung talpe tu hapipidomna alai ala ni pambahenan ni Debata, dipalua, didaoni jala ditopa gabe marguna situtu tu halak naung manadingkon manang mangambolongkon ibana. Ala ni i Psalm 118 on mamboan panghirimon asa porsea halak di huaso ni Debata na paubahon, jala laos lumbalumba tu sude halak asa unang mangasahon gogo dohot huasona laho mangambolongkon manang pasidingkon halak na hinasogohonna. Ai na boi masa  di ngoluon menyingkirhon (mambuang) halak na hinasogohonna jala jotjot doi masa, turpuk on gabe apulapul tu sude angka na porsea.

Molo songoni do pambahenan ni Jahowa di ngoluon antong dia do siulahonon ni angka na porsea?

*1. Batu na binolongkon ido gabe batu parsuhi*

Hira na tarbuang do pangkilalaanna ala hira na so dijangkon bahkan gabe hira di dibolongkon ibana di ngoluna. Olo do masa pangkilalaan ni sada halak, ala sian perhitunganna sandiri hira na dibolokkon ibana sian posisi dohot sada ulaon tu inganan naso hinalomohon ni rohana. Hape dung didalani dihilala ibana ma na dalan pasupasa ni Debata doi tu Ibana. Alanii molo tung masa angka pangkilaan na dibolonghon hita di ngoluon, sotung pola mandate hita, jala sotung pola mate panghilalaanta. Molong tung adong pe na tarbuang, nadibolonghon di ngolu on, alai molo di bagasan tangiang hita marsiranggut di ngoluon, pasupasuon ni debata doi hgabe dalan pasupasu tu hita. Taida ma songon si Josep, na dibuang jala diambolonghon angka hahanai ibana, alai gabe ibana do baen Debata paluahon halak Misir sian haleon potir, ndada holan I tahe, gabe ibana dipangke Debata paluahon natorasna, hahaanggina sian haleon potir na masa di tingki i. Ima dalan ni ngoluon, paboa tung ditangan ni Debata do dalan ni ngolu ni sasalak, alanii tung naso jadi langgus, neang manang pis roha mida halak di ngoluna, ai molo marhaubaon jala asi roha ni Debata na boi do ibana tung marguna situtu. Angkup ni i di teori social adong do na ginoaran ‘orang yang dingkirman menjadi orang yang diutamakan’. Dalam pergulatan politik apharteid misalna dipenjarahon do Nelson Mandela lobi satonga umurna manaon di penjara dalan gok hahansiton dohot na bernit, alai gabe Ibana do na berhasil melepaskan Negara Afrika sian politik apharteid. Jala disi ma tarida lam disingkrikan parhuaso halak na bonar roha lam ro do panumpak ni Debata di diri ni sasahalak na manghangoluhon Jahowa asa tung tarida hatigoran (keadilan) ni Debata.

Ayat 22 on ima martudutudu do tu Jesus Kristus. On ma jamita na pinangke ni si Simon Petrus di Ul. ni Ap 4: 11. Dipaboa do Jesus naung pinarsilanghon ni bangso Israel i do, huaso na adong diri ni Apostel Petrus laho patupahon halonganan gabe boi mardalan na pangpang i (Ul ni Ap 3). Di pikiran ni angka Farisi dohot angka Siboto surat Jesus i ingkon pamateon jala sisingkirhononhon demi institusi agama Jahudi, hape marhite hamamate dohot haheonNai do dipapatar Debata asi ni rohana di portibion dohot jolma. 

*2. Manghatindanghon Haluaon Bolon Napinatupa ni Debata*

Na paduahon siputihan sian jamitaon ima, manghirim di halongangan na binahen ni Debata. ‘Ari on do na jinadihon ni Jahowa, marolopolop jala marhilas ni roha ma hita disi. Iale Jahowa sai manumpak ma Ho! Iale Jahowa sai Ho ma mambahen manjadi, Pinasupasu ma na ro marhitehite goar ni Jahowa.’ Pinalua ni Debata sian parungkilon bolon, ido olopolop na mansai arga nihatindangkon ni parPsalm i na mandok: ‘arion do na jinadihon ni Jahowa..’ sada ende hamonangan, ende panghatindanghonon di ari haluan nabalga situtu. Endeon digoari do tong ende mesianis, manomunomu tu haroro nisi ni napaluahon Israel jala dipadomu manomunomu ‘pesta parlapelapean’ (parningotan ni bangso Israel malua sian Misir, ida 3 Musa 23:34-42; 5 Musa 16:13). Jadi sian i, martudutudu do ayat 24-26on tu Jesus sandiri. Jesus sandiri do na boi paluahon hita jala na mangalehon olopolop bolon di ngolunta on. Tarpatupa Debata doi, jala ndang marsogot manang haduan, alai ‘arion do’, lapatanna sadarion dijolonta sandiri boi do tarida hagogoon ni Debata paluahon hita sian ragam ni mara dohot parungkilon pe.

*3. Mandok mauliate ma hamu: “Tambathon hamu ma pelean”?*

Molo nunga dipalua Debata hita, tama hita marolopolop jala mandok mauliate di Debata. Unang lupa hita di denggan basaNa naung tajalo. Ai nunga diida matanta: Debata sandiri do manondangi dohot mangondihon hita mamolus ragam hamaolon i. Nuaeng songon dia do hita mandok mauliate. Didok di turpuk on ayat 27‘Tambathon hamu ma angka pelean’, boasa tambathonon pelean? Lapatanna disi, ia pelean sipasahatonta ndada pelean na somal sambing be alai marrumangkon pelean situtungon ma songon naung niaturhon ni angka malim, pasahathon pelean na mokmok marhite lombu, birubiru manang (2 Musa 20:24; 24:5; 29:28; 32;6; 3 Musa 3:1dst). Jotjot do halak neang dipeleanna hape nungga godang angka pambahenan na denggan na pinatupa ni Debata di ngoluna hapr lupa mandok mauliate tu Debata. Godang do najng ditumpahi Debata ngoluna alai neang rohana di pamelehonon ni diri. Lapatanna disi, ala sejarah na balga do haluaon na nihatindanghon ni parpsalm i, tama pasahathon pelean tu Debata marhite pelean situtungon, laos dohonon ma: “mandok mauliate ma hamu di Jahowa, ai pardenggan basa do Ibana, ai ro di salelenglelengna do asi ni rohana i.”

*Panimpuli*

Molo di halak parhosom diparhatututu do pandohan on na mandok: mago do na denggan binaen ni hasalaan saotik. Dihalak na sai holsoan: mago do las niroha binaen ni holso. Di ngolu ni na so porsea jala mura mandele: sitaonon pamintophon haporseaonna ai mura mandele jala putus asa. Alai anggo halak na porsea didok di turpuk hasusaan na nibolus ni na porsea gabe tanda halongangan doi di angka na manghaporseai Debata. Idama ai batu na binolongkon, gabe batu parsuhi. Domu tusi unang ma muramura mandele, molo marhagogoon pe portibion mangolati angka na porsea unang pintor mandele alai tongtong ma marpangkirimon.

Paduahon molo hira diloas Debata pe tabolus hamaolon I, unang tadok na ditadingkon Debata hita, alai di hamaoloni didongani Debata do hita jala marhite na tabolus hamaoloni disi do Debata pataridahon huaso dohot hagogoonna. Alanii mansai toho do Ende na didok di KJ 439 I mandok: “Bila Topan keras melanda hidupmu,jamita on, bila putus asa dan letih lesu, berkat Tuhan satu-satu hitunglah, kau niscaya kagum oleh kasihNya. Berkat Tuhan, mari hitunglah, kau ‘kan kagum oleh kasihNya. Berkat Tuhan mari hitunglah, kau niscaya kagum oleh kasihNya.”

Sian i taputuhi ma molo tung adong pe hamaolon na taadopi, ndang taragohoni angka na tonggi naung tajalo sian Debata.

Sude do hita naung mananda, marnida jala naung mandai habasaon ni Debata dingoluta marsada-sada. Diigil Debata do alus sian hita marhite hamauliateon ni rohanta be. Tapelehon ma nadumenggan, naummarga jala na ummagur tu adopan ni Debata asa halomoanNa hita.

Tabe: Pdt Nekson M Simanjuntak,