Kotbah Natal I 25 Desember 2021
Nas: Lukas 2:1-7
*UNGKAP ROHAM GABE INGANAN HASORANGANNA*
Selamat Natal bagi kita semua!
Kotbah di Natal I ini, membuka hati kita semua menuju Yesus yang lahir di palungan Bethlehem. Dicatatkan oleh Lukas dengan alasan karena tidak ada tempat bagi mereka, semua pintu rumah telah tertutup, kepedulian terhadap sesama seolah tiada ruang. Yesus lahir di kandang domba dan diletakkan diatas palungan. Baiklah ini kisah Natal di Bethlehem yang lampau, namun kelahirannya saat ini mengajak kita membuka hati untuk lebih peka, peduli pada orang yang kesusahan dan kasih semakin nyata. Sehingga Yesus lahir di hati yang mulia yang kita miliki masing-masing.
Dalam Natal ini saya tuliskan kotbah bahasa Batak, yang mungkin dapat membantu kita merenungkan kembali makna Natal dan kelahiran Yesus Kristus.
*Patujolo*
Godang do jamita na boi putihanta sian Jamita Natal, ai mansai bidang na hinangham ni Natal i di ngolu ni angka na porsea. Jala molo tapamanat adong hubunganna dialektik diperistiwa natal dohot halak na marpesta natal. Molo tapamanat di teks peristiwa Natal ima porsukna jala bernitna diae Maria, Josep dohot Jesus natubui, pola inganan hasoranganna pe tung so adong bagas na ungkap, alai tung sordak do. Hape di konteks ni halak na marpesta natal; apalagi andorang so COVID 19 inama tarida hariburon (gemerlap), las ni roha dohot tahe sipata tarida haadongon ni na deba. Pola do hea marungkil Panitia Natal asa tung haru hebat Natal ni sada punguan ingkon di Hotel berbintang lima na pola terkesan dipaksakan asa tung dapot pujian na deba. Di masa COVID on, huida Gabe adong do parsiajaran,olo tung boi PE Hita marpungu nungga tung mandok mauliate tu Debata.
Ndang na pola tasolsoli halak na marpesta natal di las ni roha dohot hariburon molo diulahon di dibagasan haporseaon. Alai ndang na pola parhatuahononhon halak na marpesta natal di bagasan hariburon molo so mangurupi do Natal i di halak na mamestahon mangauhon dohot manghangoluhon panghohophopon ni Jesus na ro tu portibi on. Di sada sisi tung bernit pe ditaon Tuhantai di peristiwa Natal asa tung dapotan las ni roha do hita angka naung tinobusnai. Las do roha ni Tuhantai molo sonang ngolunta, ai ido umbahen na ro Ibana mangalehon las ni roha tu hita. Alai ganup marnatal hita nda patut ma nian hita manghangoluhon haroroNai? Songon di ma hita manghangoluhon haroronai?
Di evangelium sadarion, dibuat sian Lukas 2;1-7. Adong dua ondolan na tangkas di turpuk on, ima: sangkap ni parhuaso na naeng patulushon sangkapna alai laos disi do dipataridahon jala dipatandahon Debata sangkapna. Bernit niae ni Jesus di hasosorangNa pola tubu di bara ni pinahan ala so adong inganan parmianannasida.
*Sangkap ni Debata mangatasi sangkap ni kesar.*
Ai na marsangkap do Kesar Agustus (Luk 2:1) patupa census laho mandata tarombo ni angka pinopar ni na ginomgomanna. Nunga boi taida songondia parsorion ni jolma ujui tingki sensus, naung leleng dipangarantoan hape ingkon mulak tu bona ni pinasana. Boha ma nasida dipardalanan, didia ma nasida maringanan jala didia ma nasida marborngin, aha ma bohal nasida sura doi ndang hea mulak tu Bona ni Pinasana naung marompuompu. Census i dipatupa dalan ni Kesar doi asa ummura manotophonon bea (pajak kepala) tu angka na gininggomanna. Manang boi dohonon, census na dipatupa ima dalam rangka penguatan penindasan kaisar tu angka na ginonggomanna. Alai molo tung adong pe huaso di kesar mandalanhon huasona tu angka na ginonggomanna ndada tarsirangi sian pangaramotion ni Bebata, baliksa laos disi do Debata pataridahon huasona na umbalga. Ai marhite census i, ingkon saut do bagabaga ni Debata naung niuarihon sian padan na robi, Bethlehem Effrata hatubuan ni si palua (Mikha 5;1). Ai pangisi ni galelea di Joseph dohot Maria, nang pe asal nasida (bona Pasogitna) sian Judea. Ima sangkap ni Debata na mangatasi sangkap ni parhuaso di potibion. Ro Jesus tu portibion na paluahon bangsona sian habuangan, sian na ginosagosa dohot sian ragam ni angka huaso di portibion. Ndang diotapi alai laos disangkap ni Kesar dipatuduhon/dipatulus Debata sangkapna. Ido umbahen na ro Ibana, asa malua tung malua situtu hita hombar tu bagabagaNa.
*Ndang adong parmianannasida?*
Aha do nuaeng alusta aut sura ro sms manang telpon tu hita adong keluarga na tubutubuan di bara ni pinahan ala ndang adong bagasna? Hulala marsiadu do hita mandok tubagasnami ma. Ima nian laus ni halak Kristen. Ima alus nionjar ni roha holong ni dongan jolma (rasa kemanusiaan), ai ndanda manusiawi na masa di Tuhan Jesus, alai tung dibagasan keprihatinan na bagas situtu do. Alai diula keprihatinan na bagas i (na bernit situtu) holan humongkop hita. Ditaon na bernit i, asa diroro hita sian ragam ni na bernit di tanoon, ditaon na hansit i, asa dip[alua hita sian ragam ni na hansit di hasiangan on. Porsuk diae Tuhantai, asa tung dipalua hita sian haporsuhon godang di portibi on. Ido anggo missi ni Natal. Maheu mardalan maria di na mengandung sia bulan, boha muse ma hansitni i? Alai hinorhon ni biar mida kesar di census, asa tung tardaftar nasida songon ruas inkon mardalan nasida sian Galilea tu Judea, jala aeonna na ragam ni na hansit i. Ima holan pataridahon existensina songon penduduk ginonggoman kesar Romawi. Hape ndada holan eksistensi ni portibion na naeng boanon Josep dohot maria tu Bethlehem alai eksistensi angka na olo porsea di Ibana asa pasidohot di Harajaon ni Debata, ima haluaon si saleleng leleng na.
Tubu do Jesus di bara ni Pinahan, soadong sibaso manang bidan na mangurupi Manang na peduli tu si Maria. Ima hinadangol na masa ndang adong na mangurupi si Maria si hasosorang ni Jesus i. Laos ido paboahon roha ni hajolmaon ngali jala holang holong. Alai mathite haroro ni Jesus sindak ma panailinta asa taparrohahon halak na dangol, asa Tubu holong ni roha jala dipauli parsaoran ni hajolmaon on.
Tubu do Jesus di bara ni pinahan, diborhos jala dipeakhon di atas panggagatan ala so adong inganan parmianannasida.
Ndang adong inganan parmianan ni hasintongan ni Debata di portibi na gok dosa, alai ro do Jesus i, dimulai sian panggagatan na di Bethlehem. Dung tubu Jesus naeng ma lam torop halak na manjanghon hasintongan ni Debata, ai haluaonta do na binoanNa. Gabup jolma nasailaon hola pasiat naboi "gagatonna" (baca: kepentingan diri sendiri), nuaeng dung tubug Jesus i *tapareak ma roha na pangoluhon maradophon dongan jolma.*
Nuaeng taungkap ma rohanta ganup marsada sada asa rohanta, bagasta, parkarejoanta nang keluarganta dohot hurianta naeng ma parmianan ni Debata. Asa inganan parmianan ni Debata hita, sada do pinangidona, tagam ma ibana, jala ulahon ma lomo ni Rohana asa mian Ibana di ho, jala ho dibagasan Ibana (pat. Joh 17:21)
Selamat Natal 2021
Tabe: Pdt Nekson M Simanjuntak
Tidak ada komentar:
Posting Komentar