KEMURAHAN TUHAN YANG MENYELAMATKAN

 https://www.facebook.com/216559085082832/posts/4998711596867533/?sfnsn=wiwspmo

Kotbah Minggu, 24 Januari 2021

Nas: Yoel 3:1-10

KEMURAHAN ALLAH YANG MENYELAMATKAN

Selamat Hari Minggu! Sahabat yanh baik hati, Asumsi negatip tidak dapat dijadikan dasar menilai orang lain. Pelajaran inilah pertama sekali yang kita temukan dalam kotbah ini. Pada pengutusan pertama Yunus menolak perintah Allah yang menyampaikan peringatan dan hukuman kepada penduduk Ninive (1:1-3). Yunus menolak pergi karena menurut asumsi Yunus penduduk Ninive orang yang sangat jahat dan tidak mungkin mendengarkan perintah Tuhan. Mereka pasti menolak Yunus dan bisa saja akan membunuh Yunus. Asumsi inilah dasar bagi Yunus tidak jadi pergi menyampaikan pesan Tuhan ke Ninive dan melarikan diri ke Tarsis.

Tuhan memberi pelajaran bagi Yunus atas penolakannya. Dalam pelariannya berlayar ke Tarsis,  suatu peristiwa gelombang laut yang besar mengancam pelayaran. Menurut keyakinan salah satu harus dibuang ke laut untuk menyelamatkan pelayaran. Mereka membuat undi menentukan siapa orang yang akan dibuang ke laut. Ternyata adalah  Yunus, dia di buang ke laut (1:7). Tuhan memerintahkan Ikan besar menyelamatkan Yunus. Selamat tiga hari Yunus di dalam perut ikan membuat dia menyadari hamba Tuhan tidak boleh menolak pengutusan namun harus taat pada perintah pengutusan. 

Setelah peristiea itu dalam Pasal 3, maka Tuhan memerintahkan Yunus kedua kalinya untuk berangkat ke Ninive menyuarakan pertobatan. Apa yang terjadi:

1. Yunus pergi dan menyampaikan hukuman Tuhan kepada Ninive. Dia berkeliling kota itu dan berseru: Jika dalam 40 hari mereka tidak bertobat maka kota itu akan ditunggangbalikkan (3:4). Kata ditunggangbalikkan sama dengan yang dipakai pada pembumi hangusan kota Sodom dan Gomora. 

2. Penduduk Ninive Bertobat.  Asumsi Yunus terhadap penduduk kota Ninive sungguh terbalik, setelah mendengar peringatan Yunus justru mereka merespon dengan baik. Mereka berkabung dan duduk diatas abu dan raja pun turun dari singgasananya  memerintahkan seluruh penduduk kota berpuasa. Raja memerintahkan seluruh penduduk kota dan bahkan ternak ikut berpuasa. Raja dan penduduk kota itu berdoa dan memohon pengampunan. Disini terjadi pertobatan nasional kota Ninive dan memohon pengasihan Tuhan.

3. Kemurahan Tuhan atas kota Ninive, pertobatan penduduk kota mengubah hukuman Tuhan menjadi kemurahan Tuhan yang menyelamatkan. Kota Ninive diberkati karena pertobatan. 

Sahabat yang baik hati, kotbah hari memberikan pesan yang sangat berarti bagi kita: buanglah asumsi negatif berpikirlah positip, lakukan perintah Tuhan dan pergunakan setiap kesempatan yang ada memperbaiki diri, maka kemurahan Tuhan akan menyertai kita. Amin 

Salam: Pdt Nekson M Simanjuntak

Lampiran Kotbah Bahasa Batak

IMPOLA JAMITA Minggu III Dung Epiphanias, tanggal 24 Januari 2021

Turpuk: Ev. JONA 3:1-10

Topik: ASI NI ROHA NI DEBATA NA PALUAHON.

Patujolo

Panurirang Jona sada panurirang na dijou Debata pasahathon lumbalumba tu halak Ninive ibu kota Assyur. Ninive ima sada huta di duru ni Jahudi na tung tarbarita hajahatonna (Jona 1:2). Boasa dilumbahon Debata uhum tu Ninive? Patuduhon ala Debata ni saluhut bangso do ia Debata ni Israel. Debata marhuaso paro uhum tu saluhut bangso jala mangunsat uhum tu angka na marhamubaon ni roha.

Lumbalumba uhum tu halak Ninive sada sikap ni Debata maradophon hajahaton. Ndang dipaloas Debata hajahaton martimburak di sisik ni tanoon.  Nang pe ndang pintor diuhum Debata hajahaton i, jumolo dilumbahon uhum, molo muba rohanasida marpamuati do Debata. Alai molo ndang muba marhinamago ma nasida. Paruhum do Tuhan i, manguhumi hajahaton alai dao umbalga asi ni rohaNa di angka na marhamubaon ni roha. 

Godang do jamita na boi putihanta sian buku ni panurirang Jona on. Sada buku na mansai arga jala tabo jahaon. Adong dinamika ni ngolu ni naposo ni Debata na mabiar mangulahon panurirangon ala laos diiring Debata do ngolu ni angka naposoNa.

Parjolo, naso jadi naposo ni Debata manjua di panjouon ni Debata. Molo manjua marragam do cara dibaen Debata mamanghulingi angka naposoNa asa tarjolma di panjuaonna. 

Paduahon, tarmali tondi do si Jona ala ingkon danggurhononna ibana tu laut. Parasi roha do Tuhani, ditongos do ihan raja laho mambodut jala padarathon si Jona asa mangoku (Jona 1:17). Namate hian na ma ibana, alai ala ni asi ni roha ni Tuhani gabe mangolu Ibana. Laos tanda do na masa disi Jona ai tolu ari lelengna ibana di butuha ni dengkei gabe tudutudu tu hamamate ni Tuhan Jesus, jala hehe di ari patoluhon laho paluahon hita. 

Patoluhon, dipangke si Jona do asi ni roha ni Tuhani laho mangoloi parsuruoni, gabe lao do ibana mangalumbahon uhum tu huta Ninive songon naung tiningtinghon ni Jahowa. 

Paopathon, naso jadi praasumsi na negatif bahenon tu halak. Ida ma anggo asumsi ni si Jona ndang mungkin muba roha ni halak Ninive ai tung na jahat situtu do nasida diroha ni si Jona. Hape, ida ma holan martingting si Jona: dibagasan 40 ari nasida martangiang marsitutu asa unang lalu rimas ni Debata tu nasida. Muba do saluhut pangisi ni huta Ninive gabe ndang jadi ro rimas ni Debata. 

Palimahon, hira dele do roha ni si Jona, nunga songoni lojana pasahathon tingting lumbalumba uhum tu Ninive, hape ida ma ndang jadi ro uhum ni Debata. Anggo di roha ni si Jona na ingkon lalu ma uhum, hape ala marhamubaon nasida gabe mulak roha ni Debata jala marpamuati marnida nasida. Hira marisuang dihilala si Jona lojana, hape so saut uhum i. 

Parpudi, dipanghulingi Debata do si Jona marhite hau jarak, na tubu satongkin, gabe boi adong undungundung panisioan di hos ni ari. Hape tompu rahar, marungutungut ma si Jona ala na rahar i hau dulang i. Dungi dialusi Debata ma, gari hau dulang disolsoli rohana rahar na so pola na hinangaluthonna, lam boha ma rimasan ni Debata halak Ninive 120.000 halak naung manolsoli dosana?Jona 4:9 (TOBA)  Dung i didok Debata ma tu si Jona: Tung turut ma ho marronirimas ala ni hau dulang i? Gabe didok ibana ma: Turut do ahu marronirimas sahat ro di hamatean.

Molo isara ni sada buku hira naso jumpang hita do panimpuli ni Buku Jona, hira dipasahat tu panjaha mambaen panimpulanna, mandok: ndang tama manjua diparsuruon, naso jadi praasumsi na nagatif, parasiroha do Tuhani di angka na muba. Dung tajaha adong sipeopon ni angka panjaha mandok: sadar do si Jona di huaso ni Debata ujungna marhaujungan di pangoloion tu Debata jala mangantusi di sangkap ni Debata. 

Turpuk Jamita

Turpuk jamita mingguon ima sian bindu 3:1-10  dung namasai gabe borhat do si Jona mangoloi Jahowa. Borhat ibana maningtingkon uhum tu huta Ninive. Tung diradotinasida do hamubaon ni roha. Anngo dipikiran ni si Nona, tulakhon jala lelean ni halak Ninive ma ibana, hape  idama gabe luhut do nasida muba. 

Laos on do jamita tu hita, ingkon hehe jala borhat mangoloi panjouon dht parsuruon ni Debata asa sahat tona ni Debata tu saluhut bangso. 

1. Borhat jala martingting tu halak Ninive

Dijolo ni turpuk on di bindu 2, nunga adong na masa tu diri ni si Jona. Manjua ibana borhat tu Ninive pasahathon lumbalumba ni Debata. Marparao ibana tu dompak Tarsus (1:2). Manjua tontu ala ni biar ni rohana do mangadopi halak Ninive, songon dia ma ibana pasahat tingtong hamagoan tu halak na jahat roha, ndada laho hamagoanna i? Gabe marparao do si Jona dompak Tarsus hape idama saguru di Debata langka ninjolma. Diparo Debata ombak n mansai bolon jala ingkon ambolongkonon si Jona tu tonga laut i. 

Asi do roha ni Debata disi Jona, ditongos Debata do ihan raja mambondut ibana. Molo tajaha di bindu 2, martangiang do si Jona di butuha ni dengkei manolsoli rohana di panjuaonna. Jona 2:6-8 Nunga mangungkor ahu sahat tu bona ni angka dolok, ransangransang ni tano on pe nunga tarsordak humaliang ahu ro di salelenglelengna. Alai dipanangkok ho ngolungku sian godung ale Jahowa Debatangku. Uju mandate hosangku di bagasan, Jahowa ma huingot, jadi sahat ma tangiangku tu ho, tu joro ni habadiaonmi.

Dungi dipadarat dengkei ma ibana dungkon tolu ari. 

Tarjolma do si Jona di na masai ndang boi hape manjua di  parsuruon ni Debata. Marragam do cara ni Debata mamangkulingi halak na manjua dipanjouon i. Dang boi jolma martabuni sian adopan ni Debata ai Debata do na umboto saluhut.

Dung i ro ma muse hata ni Jahowa tu si Jona paduahalihon (3:1). Dung tarjolma si Jona, dijou Debata ibana muse paduahalihon asa pasahathon lumbalumba hamubaon ni roha tu halak Ninive. Lumbalumba on paboahon, ndada holan halak Israel, bangsoNa na naeng paluaon ni Debata. Alai dohot do bangso di duru ni Jahudi dipanghulingi Debata asa muba sian hajahatonna. 

2. Dokdok ni uhum tu Ninive

Aha do uhum na tiningtinghon ni si Jona tu huta Ninive. Didok di Jona 3:4 (TOBA)  Dung i dipungka si Jona ma mardalan di bagasan huta i parsadarian, jala martingting ma ibana mandok: Opatpulu ari nari na ma, jadi marongrong ma Ninive!

Pandohan "marongrong" ima patuduhon, ia hutai ingkon tartanom. Alanii sude pangisi ni huta i sian na metmet sahat tu na mangodang tartanom songon na masa tu Sodom dht Gomora. Di Hata Indonesia "ditunggangbalikkan" jala dipangke di 1 Musa 19:24 uhum tu Sodom dohot Gomora. Laos dipaingot si Amos nang mara tu bangsa Israel sotung masa hluhum Sodom dht Gomora (Amos 4:11 pat Hagai 2:2).  Uhum na dokdok sisongoni na marlapatan do tung so boi be ampinan, sandok ingkon agohononhon ma huta i.

Pandohan hata "marongrrong" ndada aongon lalo.manang gempa bumi biasa. Alai boi do r tarpafudoahita tu '"gempa liquifaksi". Malala tanoi jala nasa na adong dihginjang ni tanoi tartanom tu banua toru. Antong uhum sibahenon ni Debata ala ni hajahaton ni Ninive ima naeng mananom huta i tu banua toru, dibondut banua toru nasida ai ndang tama be mian di tano on ala ni hajahatonna.

Unang ma nian muba hita ala ni ancaman uhum na dokdok, alai sian hadirionta na dijou jala naung mandai habasaon ni Tuhani ma hita marparbuehon na denggan. Ai nunga dijou ala dipillit Debata hita gabe anakhonNa laho marparbuehon na denggan (Pat Joh 15:16)

3. Muba jala porsea halak Ninive 

Tarjolma do sude pangisi ni hutai umbege tingting i. Na marongrong nama huta nasida jala marhibamago. Ai tung na dokdok situtu do uhum sipamasaon ni Debata tu nasida.  

Jona 3:5 (TOBA)  (II.) Jadi porsea ma angka jolma i isi ni Ninive i di Debata, jala ditingtingkon mandokkon marpuasa sadari, jala marulos hori nasida sian halak na magodang ro di na metmet. 

Sigop do pangisi ni hutai mangalusi lumbalumba ni si Jona. Bangkit do raja ni huta Ninive manguluhon bangsoi asa muba. Sude pangisi ni hutai sian na metmet sahat tu na mangodang satahi nasida manolsoli hajahatonnasida. Adong tolu hal na taida dipanolsolion ni roha nasida

a) Marpuasa

Didok marpuaso, ima tangiang na marsitutu, mangorom diri sian angka ulaon jala pahibul diri pajonok diri tu Debata. Molo tajaha di 3 dohto 4 Musa sarongkangan do tangiang parpuasaan dohot paunduk roha (3 Musa 16:29,31, 4 Musa 23:27,29 dna).  Na marlapatan doi, ndangbdong gogo sipangasahononhon, songon tawanan na paarah aha pe na terjadi nunga dioasahat tu Tuhan i. 

Di pengalaman ni halak Jahudi, tangiang parpuasoon sada gogo do di nasida mangadopi hamaolon. Songon na pinatupa nisi Ester asa malua bangso Israel sian uhum ni Mordekhai (jaha Ester 4:3) 

b) Maruloshon hori, di hata Indonesia didok "kain kabung. Molo dihalak Batak tarpatudos mai tu ulos tujung.ulos tujung ima boaboa habot ni roha ala marujung na hinaholongan ni roha, jala songon saong mau manaongi angka na lungun. Ganup diida halak na marulos tujung idaon ni halak ma na marhabot ni roha doi. Molo lao tu onan, manangbtubgareja saindidongni halak asa unang punjung pahilalaanna. 

Molo ditonahon raja Ninive pangisi ni hutaoi mar ulos hori, na marlapatan doi sude nasida  marhabot ni roha, hohom jala homi anghiat dapot apulapul na patoguhon roha. 

Angkup nii molo tajaha ayat 7-8 ndada holan jolma muba, alai dipatudihon do tong paboa angka pahanpahannasida pe dipaoa do mangirom.diri marpuasa. Jona 3:7b (TOBA)  "Nang jolma dohot pinahan, tole lombu dohot birubiru, ndang jadi mandai agia aha, ndang jadi manggagat, aek pe ndang jadi inumonna."

Molo tapatudos di masa Covid "stay at home" so dibagas, lobi siani ma bangso i marulos hori, ndang mangula alai hibul martangiang mangalualu jalan mangandungi tu Jahowa  asa maulak roha ni Debata.

c) Porsea

Porsea so nasida tu Debata, parrimas jala parasi roha. Hamubaon ni roha nasida bukti doi paboa adong haporseaonna asa unang marroniromas Debata. Didok di Jona 3:9 (TOBA)  Ise umbotosa, anggiat tung marpangulahi jala solsolan ni Debata rohana, jala mulak ibana sian parpiar ni rimasna, asa unang mago hita.

Adong haporseaon dohot panghirimon tangkas paboa molo muba nasida siah nasa hajahatonna nang Debata sandiri pe mulak do rohana jala solsolanna uhum naung dilumbahon. 

Jona 3:10 (TOBA)  Jadi dung diida Debata pambahenannasida, na mulak i nasida sian dalannasida angka na roa i, gabe disolsol Debata ma rohana taringot tu hamagoan na nilumbahonna bahenonna hian tu nasida, gabe ndang saut dibahen.

4. Panimpuli

Parjolo dijouhon jamita on do.parjolo tu angka pangula asa rade mangoloi parsuruon ni Debata. Tapasiding ma panjuaon, aia marragam do dalan ni Debata laho mamanghulingi dohot manonggoti naposoNa na manjua diparsuruon i. 

Paduahon, dijou jamitaon do tu hita maningtinghon hamubaon ni roha. Gabe angka sibaritahon hamubaon ni roha ma hita maradophon halak, unang mauhom dihajahaton apalagi gabe sipanjujui halak asa martahan di hatangkangonna. 

Patoluhon, taruli do halak Ninive di asi ni roha ni Debata ala ni hamubaon ni roha. Nang pe naung dilumbahon Debata uhum na mansai dokdok, alai ala muba nasida gabe dapotan asi ni roha sian Tuhan i. Suang songoni ma nang hita, taoloi ma joujoun hamubaon ni roha asa dapotan asi ni roha ni Debata hita di keluarga, di huria, di parkarejoan nang di ngolu na bermasyarakat. Amen

Pdt Nekson M Simanjuntak, MTh

Pendeta HKBP Ressort Depok