BETA HITA TAIDA MA NA MASA ON

 Kotbah Natal I, 25 Desember 2023

Ev. Lukas 2:15-20

Selamat Natal Bagi Kita Semua!

Dalam Pesta Natal Hari ini, saya membuka laptop saya rupanya ada catatan kotbah Saya tahun 2002 dan kemudian saya nats yang sama kotbah tahun 2009. Saat itu saya pendeta Ressort disana dan melayani 4 tahun.  Ijinkan  saya di Natal 25 Desember 2023 ini saya share Kotbah  Natal I ini, dalam Bahasa Batak dan sekaligus menyapa Jemaat HKBP Parpulungan Nauli yang pernah saya layani. 

Bagi yang kesulitan menerjemahkan bahasa Batak, inti kotbah ini adalah seperti Gembala yang bersuka cita menerima kabar Baik, mereka mengajak temannya dan orang-orang yang mereka kenal untuk datang ke Bethlehem menyaksikan Yesus sebagaimana  diberitahukan para malaikat kepada mereka. Yesus lahir di kandang Bethlehem.

BETA HITA TAIDA MA NAMASA ON (Ayo kita berangkat dan melihat apa yang terjadi di Bethlem sebagaimana diberitahukan para malaikat ). Jadi berita natal ini para gembala mengajak semua orang untuk datang ke Bethlehem menyaksikan Yesus telah lahir. 

Pesan dari kotbah ini,

1. Jangan diam saja, pro aktiflah untuk ikut dalam pelayanan. 

2. Meniru gembala ikut memberitakan  kabar baik. Para gembala ikut memberitakan kelahiran Yesus dan mengajak orang datang kepada Yesus

3. Hadirlah untuk memuliakan Allah. Tugas orang percaya adalah hadir untuk memuliakan Allah. 

Berikut saya sampaikan kotbah lengkap dalam bahasa Batak. 

BETA MA HITA, TAIDA MA NAMASAON!

Patujolo:

Aha do respon ni jolma molo adong masa sada kejadian na so hea masa di sada luat isara ni masa banjir bolon, lalo bolon manang matutung sada huta dlna? Tontu muncul do rasa penasaran naeng humatop nian mamboto dohot marnida na masai. Hira songoni do na masa di diri ni angka parmahan na binaritahon ni Lukas di turpuk on. Dipabotohon pardisurgoi do paboa naung tubu Jesus di portibion; jala dipuji Debata na mandok: “Hasangapon ma di Debata na di Ginjang, dame ma di tano on, di angka jolma halomoan i.” 

Sada hasurungan doi di angka parmahan, ala nang pe status sosial nasida hira dietong halak lea, pogos jala dangol gariade tahe ndang dipaloas sahalak parmahan di tingkii mambahen sada kesaksian di pengadilan, ima ala ni mansai toru do status sosialnasida. Halak nasongoni dihasiati Debata, baliksa tahe halak na parjolo dapotan barita nauli di hatutubu ni Tuhan Jesus. Laos ido nang tujuan ni haroro ni Tuhan Jesus mengangkat harkat dan martabat manusia yang hina manjalo hamulian dohot hasangapon. Ima sada transformasi di peristiwa natal asa uang n adong b na marro ni lea tu angka donganna ai sude do hita niasian ni Debata. Songon halak naung tibopot dohot niasian ni Debata adong do na ingkon siulahononta manang responta di asi ni roha ni Debata!

Angka dia ma siulahonon ni halak naung dapotan barita nauli manang naung niasian ni Debata, ima:

1. Beta ma Hita, taida ma na masa on na pinabotohon ni Tuhani tu hita!

Taida pintor adong do respon ni angka parmahani dung dibarita angka surusuruan i. Sanga do ro biar ni roha nasida, alai pintor diboto surusuruani do: gabe didok unang ho mabiar…! (ay 10). Pos do rohanasida di hata ni surusuruan i, Ndang be mabiar nasida, manang tahutan manang mate busesaon sambing ala ni na masai tu nasida. Alai dung dipabotohon barita halalas ni roha godang i humalaput do nasida masibetabetaan asa laho marnida Jesus naung tubu i di bara ni pinahan hombar tu na nidok ni surusuruani. Ndang marpainte jo manang maralasan be nasida, alai tung pintor dihalaputi do mandok: beta ma hita tu Bethlehem. Laho do nasida tu Bethlehem ladang Efrata, jala jumpang nasida ma songon na nidok ni surusuruan i disi do si Josep dohot Si Maria dohot Jesus na tubu i. Peak di panggagatan ala so adong inganan parmianan na asing di nasida. Hahinsaon ni roha ni angka parmahan i mangoloi dohot mangulahon na nidok manang na pinataridahon ni Tuhani suang songoni ma nia hita, ruas nang parhalado ni huria asa masibetabetaan hita manopot Jesus, ai nunga ro Ibana mamboan haluaonta. Manang boi ma dohononta diigil turpuk on do haringgasaon, habuluson dohot hinsa ni roha mangoloi Debata sian hita saluhutna na marpesta natal on. Unang ma hinsa hita holan na naeng manjalo paruntungan ni diri, alai anggo joujou na parjolo di natal on, ima hinsa ma hita borhat, tabetabeta angka donganta ro manopot Jesus. Halak na olo manopot Jesus ima halak na olo pasesahon dosana. Halak na olo ro manopot Jesus iama halak naeng malungundohot manghasiholi asi ni roha ni Debata. Hala na olo manopot ima na rade mangido pasupasu dohot ragam ni angka las ni roha sian Tuhani.

 

2. Parmahan gabe Parbarita

Songon dia do jadi ni i parmahan gabe siboan barita? Dia ma nueng sidohonon ni panurat Lukas on disi? Tontu ima ise pe na boi do ditopa Debata gabe siboan barita manang mamboan barita ni Tuhani di ngolu on, alai tontu di angka halak na ungkap jala rade rohana do. Songon parmahan i, gabe siboan barta ibana ala rade do ibana. Ia parmahan nang pe holan di ladang nasida nasailaon jala hira jarang berkomunikasi dohot donganna. Alai gabe siboan barita nasida tu na humaliang. Dipanghatahon nasida do nabinaritahon ni surusuruani tu ganup haak na nijumpangannasida. Pola torop halak longan ala parmahan mambaritahon barita bolon.

Alanii sada kata kunci na ringkot marhite natal on, ima unang ma holan panonton, pamunten dohot komentator hita di na marpesta natal on. Ala jotjot do masa songoni di angka natal na pinatupa ni huria, punguan dohot lunggu pe: dia ma angka na marsalaan, naso pas dohot na mambahen mengkel ido dihatahon jala na jinalahan ni angka na deba molo marnatal. Adong muse do na holan panghilalaan na tabo marhite snack manang sipanganon na di pesta natal pola sampe so dohot deba marnatal ala na padokdok hu gugu tu natal dohot ragam-ragam ni angka hariburon. Ido na jotjot dibaritahon dohot diholsohon halak molo marpesta natal, hape molo di turpuk on, molo marpesta natal hita ingkon Jesus na tubui do sibaritahonon dohot sipabotohonta asa sude halak ro tu Tuhan Jesus naung mamboan haluaonta.

3. Dipasangap jala dipuji nasida Debata!

Ndada holan mambaritahon sambing angka parmahani, alai laho do nasida manopot Jesus na tubu di bara i. Dung diida nasida mulak ma nasida gabe dipuji jala dipasangap Debata. Laos ido naeng ondolhononta din a marpesta natal on, ingkon lam tamba ma nian bilangan ni na mamuji dohot pasangaphpn Debata ala nunga tapestahon hatutubuna. Ai molo marnatal hita nuaeng ima parningotan do paboa naung tubu Jesus i, antong tarsunggul ma hita saluhutna laho mamuji Debata naung mangalehon haluaonta marhite Jesus i. 

Hata baga-baga naung diuarihon di angka padan na robi, nunga diida angka parmahani din a tubu Jesus i. Alanii do ndada holan hata dohot bagabaga be na hinaporseaan ni nasida ali hasasaut ni bagabagi nunga langsung diida nasida. Marhitei dipuji jala dipasangap nasida Debata. 

Panutup

Dipataridahon turpuk evangelium on do, paboa sude do hita niasiuan ni Debata. Gariade tahe parmahan na leai do parjolo dapotan barita nauli jala gabe laos nasida paboahon dohot pabotohon Barita halalas ni roha godang i tu situan natorop. Alanii ingkon sude do ita ruas ni huria dapotan las ni roha ala ni barita halalas ni roha godang on, ima: nunga tubu Jesus. Di natubu Jesus tajangkon ma Ibana di ngolunta, tapahinsa ma parlojongonta mangoloi Tuhani, tabaritahon ma angka pambahenanna jala tapasangap ma Debata ai nunga taida hasasaut ni bagabagai. Ima nian silua na umbalga dihita ganup hita manghalashon haluaon naung binoan ni Jesus na tubui. Amen

Selamat Natal I bagi kita semua!

Salam: Pdt Nekson M Simanjuntak