KOTBAH IBADAH MALAM NATAL 24 DESEMBER 2024
Ev. Lukas 2: 8-14
KESUKAAN BESAR UNTUK SEGALA BANGSA
Selamat Natal bagi kita semua! Sahabat yang baik hati, kita telah merayakan Malam Natal (Christmas Eve) mengenang kelahiran Tuhan Yesus di kandang Betlehem. Census Penduduk Kaisar Agustus membuat Yudea ramai sekali, orang berduyun-duyun datang dari berbagai penjuru untuk mendaftarkan diri menurut census yang ditentukan pemerintah. Maka tak satu pun rumah yang terbuka untuk Jusuf dan Maria, rumah penginapan pun penuh tak ada satu kamar pun untuk mereka. Kejadian itu sungguh sedih bagi Maria harus dengan terpaksa melahirkan di Kandang Domba Bethlehem.
Jika kita kini merayakan natal dan begitu syahdu menyanyikan Lagu Malam Kudus atau Holy Night sungguh anggun dan begitu indah, padahal sesungguhnya jika dianalis kontek lahirnya Yesus di Bethlehem sungguh bagaimana keadaan itu begitu mencekam, bagaimana malam itu sebagai malam yang sungguh tak terbayangkan bagi Yusuf dan Maria; tiada tempat berteduh, tiada penolong untuk bersalin, tidak ada sahabat atau keluarga dekat untuk memberikon dukungan dan hal-hal lain yang dibutuhkan oleh seorang ibu yang melahirkan. Tetapi dalam keadaan demikianlah kita melihat rencana Allah yang Agung, Yesus datang ke dunia ini untuk mendampingi dan menyertai kita dalam kesunyian dan kekelaman hidup yang kita jalani.
Kini kita di Ibadah Malam Natal ini diajak memetik makna dalam kehidupan kita maaing-masing. Dalam catatan kotbah saya, disini sudah pernah mencatat penjelasan Kotbah teks ini sering menjadi acuan di Malam Natal dan Natal i,
Selengkapnya saya sampaikan dalam bahasa Batak yang menekankan:
1. Jangan Takut: suatu kalimat yang meneguhkan dari para malaikat kepada para Gembala.
2. Missi Natal: Memuliakan Allah dan menghadirkan Damai Sejahtera di bumi.
3. Marilah kita ke Bethlehem, tinggalkan hidup lama mari melangkah sujud menyembah Yesus.
Selengkapnya....
A. Patujolo
Sada hasurungan ni pangandolhonon ni Barita Nauli na sinurat ni si Lukas ima panghaholongion ni Debta tu angka napogos, na dangol, na tarhurung dln (marginal people) boi tapatudos tu Luk 4:18-19 dohot angka barita taringot tu angka na pinamalum dohot na pinalua ni Tuhan Jesus. Sumurung pamaritahonn ni Lukas dipambahenan ni Tuhan Jesus tu angka na na dangol dohot na pogos (terisolir sian tongatonga masyarakat) patuduhon na ia haroroNa laho mamboan las niroha dohot haluan. Natangis, tariluilu ala ni hinadangol dohot ragam ni parungkilon na binolus, marhite harorona boi mengkel, marolopolop jala marlas ni roha.
Barita haluan dohot las ni roha ido bona manang sintuhu ni Natal, natal lapaotanna tubu. Nunga ro Tuhan Jesus tubu sian bortian ni Si Maria laho paluahon ganup jolma sian angka boban na dokdok sian hajolmaon asa soluk ma haluaon dohot las ni roha. Alanii sude halak na porsea naeng marlas ni roha di tingki marnatal, ail as rohanta ala ro Ibana manopot hita disandok parsorionta. Tatinggalhon ma nasa na mambaen marsak jala mangarsaki hita, ta jangkon ma Ibana naung tubu I di Betlehem asa tubu diroha, pikkiran, bagas na hurianta.
Hombar tusi Barita Nauli dihita apala di Natal on, sian Lukas 2:8-15, taringot tu Barita las ni roha na pinabortohon ni angka surusuruan tu angka parmahan. Na dangol do parmahan ujui, jala ditongatonga ni masyarakat kesaksian ni parmahan di pengadilan ndang diokui masyarakat. Alai tu halak sisongoni do dipabotohon angka surusuruan na parjolo taringot tu Barita hatutubu ni Tuhan Jesus. Nuaeng tasigati majolo impola ni turpuk on na gabe janita sitioponta.
B. Sipabidangon tu Jamita
1. Unang Ho Mabiar
Hata parjolo napinasahat ni surusuani tu parmahan ima, ‘unang ho mabiar’! Ise na so mabiar molo ro angka surusuruan marabit na saksak jala dibagasan songgot ni roha? Gariada ro sillam manang ronggur na gogo pintor angka hitir do hita. Tontu mardongan biar jala dibagasan songgot ni roha do angka parmahan i ala ndang hea masa i dingoluna ro surusuruan manopot nasida. Alai dipapos surusuruan i do rohanasida asa unang mabiar, ai barita halalas ni roha godang do napinabotohonna tu nasida.
Dia ma barita las ni roha godang i, ima naung tubu Jesus Sipalua i di Bethlehem Effrata. Ibana do raja sipalua, Mesias anak ni Debata na paluahon bangsona. Ndada holan haluaon politis songon na hinirim ni halak Israel na binoan ni Tuhan Jesus, ala sahat tu tingki haroro ni Tuhan Jesus manghirim jala maimaima do bangso Israel di Mesias anak ni Debata paluahon nasida sian penjajahan Romawi, alai andul sian I do haluan na binoan ni Tuhan Jesus, haluaon sian saluhut na manggosagosa ngolu ni jolma ima huaso ni dosa. Dosa do mambahen sega hubungan ni jolma tu jolma, dosa do na mamabahen marsak jala lam tartait hita tu ragam-ragam ni angka na mambahen hita lam dao sian Debata. Marhite haroro ni Tuhan Jesus paluaonna hita sian dosanta, jala pajonohonna hita tu Debata Parasiroha i.
Nunga tubu Sipalua, tajanghon ma Ibana didirinta ganup marsadasada asa dipadao arsak sian sandok ngolum. Dipardalanan ni ngolunta songon halak na porsea, godang do alasan na boi mambahen hita mabiar jala biahaton di ngolu on, alai songon pandok ni surusuruan I tu angka parmahan, ima nang nuang hata ni Debata tu hita manghobasi dohot manghohosi rohanta asa unang mabiar di ngolu on.
2. Missi Natal: Pasangap Debata, Pasaorhon
Dame Dung taruli hita di haluaon marhite hatutubu ni Tuhan Jesus, songon oloipolop ni angka pardisurgo na marende mangolophon: Hasangapon ma di Debata na di ginjang dame ma di tano on di angka jolma halomoan i. Marlapatan doi, molo marnatal hita nuaeng adong misi na ingkon boanonta ganup marsadasada, ima:
- Pasangaphon Debata; halak naung manjanghon Jesus di ngoluna ingkon rade jala hobas mamuji dohot pasangaphon Debata marhite nasa pambahenannna angka na denggan i. Ndada na hurang sangap Debata, tung na songgkal, na badia jala na sun sangap do Debata. Hombar tusi ma hita angka na porsea di Tuhan Jesus jala naung dijanghon gabe angka anak ni Debata (Gal. 4:4-6, ‘anak hatiuron’ Ef 5:8) naeng ma marhite hata nang pambahenanta tau pasangap Debata.
- Pasaorhon Dame: Jesus ro tu portibi on mamboan dame. Sude do halak manghalungunhon dame dingoluna, masayarakat nang huria. Sada alo ni dame ima roha diri, ala roha diri mamboan halak mangai tu diri, kelompok dohot kepentingan tertentu ujung na gabe tubu angka parsualon na manghorhon hagunturon. Resiko ni hagunturon ima masilatean, masielatan baliksa tahe pola masiagoan hosa. Antong molo dao dame dao do hasonangan, molo dao dame dao ma nang parsaulian baliksa hapariron do na ro. Diboto Debata do hapariron ni jolma ido umbahen na ro Jesus mamboan dame, asa dibagasan dame hita mangula angka siulaonta be dungi jumpang hita ma las niroha, hasonangan dohot pasupasu ni Debata. Halak na porsea di Jesus rade ma manjalo dame, ai marhite na tajanghon Jesus nunga anak ni Debata hita. Angka anak ni Debata naeng ma mamboan dame, songon na didok ni Tuhan Jesus: “martua ma sibahen dame, ai goaron do nasida anak ni Debata.” (Mat 5:8).
3. Beta ma hita tu Bethlehem!
Laos on do Thema Natal 2024, sada respon na sian angka parmahan i, dung laho angka surusuruan i sian tongatonga nasida. Beta hita tu Bethlehem patuduhon sada sikap na hobas jala hibas laho manopot napinabotohon ni angka surusuruan i tu nasida, ndang marlembalemba nasida alai tung sigop jala hatop borhat. Laho do nasida tu Bethlehem, jala jumpang nasida do Jesus na peak di panggagatan di bara ni Pinahan. Na naeng taida dison haunduhon dohot pangoloion ni angka parmahani tu hata ni surusuruan i laho borhat tu Bethlehem, disi do jumpang nasida Jesus, Sipalua i.
Beta hita tu Bethleheom, sada joujou manang do goragora ni angka parmahan di turpuk on maradophon angka donganna parmahan dalan manghehei turgas panogunoguon ni parhalado maradophon ruasna. Angka oanobgunogu dohto na mambetabeta halak ma hita tu harajaon ni Debata. Atik naung godang sian ruas ni huria naung bangkol, losok jala ndang mangharihothon partoondion, Songon hata ni parmahani ma hita mandok; beta ma hita tu Bethlehem dalan manjouhon angka ruas ni huria mangaradoti ngolu partondion.
Angka pangula ni huria digoari doi parmahan, marmahani angka ruas na piunasahat ni Debata tu hita! Asa jumpang hita las ni roha songon las ni roha ni angka parmahan naung pajumpang dohot Jesus alanii naeng hobas jala hibas hita mangulahon hata nang tonan ni Debata na tu hita. Hita angka pangula manang ruas pen dang laho be hita tu Bethlehem Effrata alai naeng rap hita marsibetabetaan pajumpanghon ruas asa olo rot u Tuhan Jesus, ido tugas nuaeng. Antong beta ma hita saluhut na hobas jala hita laho mangula ulaon na pinasahat ni Tuhan i tu hita ganup marsadasada ai disi do jumpoang hita Tuhan Jesus.
Paduahon sion pandohan: "hita", - hasadaon komunitas
Rappak do parmahani marsada ni roha jala satahi nasida, ndang adong parmahani na marroha diri, manang na pajolojolohon manang na manimbil sian donganna asa holan ibana umboto barita haluaoni. Alai pandohan beta ma "hita" patanakhon hasadaon ni roha unang adong tondi na mamola mola, na paduruhon donganna na mandok ndang hita i, alai halak an doi. Alai hita paboa na sisada roha dohot sisada pingkiran hita diparsaoranta.
Patoluhon: "Bethlehem"
Btehlehem ima huta hatubuan ni Sipalua songon naung niuarihon sian pada na robi (Pat Mikha 5:1). Jadi dijou ntal on do hita tu sada las ni roha ima naung gok bagabaga ni Debata di hajolma on marhite haroro ni Jesus.
Angkup nii porlu do tapabagas, sian pandohan "Bethlehem", sian "Beth" (bagas) dohot "Lehem" roti: bagas roti.
Boi ma tahonahon turpuk on tu hita asa sude hita marnamunahon etos kerja di nasa ulaonta asa adong roti manang safusagu dibagasta be. Unang adong na malas gabe ndang dapot mangan ibana nang isi ni bagasna. Tapangke ma gogo, tingki dohot nasa na adong di hita manggohi roti dibagasta be. Sotung adong naso dapot sagusagu ala ni malas, ala ni juju ala na dipasuasaehon silehon-lehon ni Debata. Bethlehem, paboahon digohi Debata do bagabagana asa adong sagusagu dibagasta be marhite ulaon nang parkarejoanta.
Angkup ni molo dijou hita tu Bethlehem, taingot ma nunga dilehon Debata di hita sagusagu, jala naummarga sian sagusagu di hangoluon on dilehon tuhanta ima roti hanguluan. Jesus do roti hangoluan. Jadi tujuan ni ngolunta ima ro tu Tuhan Jesus roti hangoluan i. Jadi ngolunta on dijou Natal borngin on asa taradoti ngolu partondionta.
C. Pangarimpunan
- Tajanghon ma Jesus naung tubu i, di ngolunta ganup marsadasada asa jumpang hit alas ni roha. Tung dongol jala pogos pe panghilalaanta sotung mandate roham, ai diboto Tuhan i do parsorionta. Jala rade do Ibana manopot dohot patoguhon rohanta.
- Unang mabiar ho mandalani ngolum, ai dongan ni Debata do hita.
- Paboa naung tubu Jesus di ngolum marsitutu maho pasangaphon Debata marhite nasa hata nang pambahenanmu. Jala songon hataridaan ni anak ni Debata hita gabe siboan dame ma hita di keluarga, masyarakat tarlumobi di huria.
- Beta hita tu Bethlehem songon tema natal 2024 manjou asa hobas jala hibas ma ho mangaradoti ulaon na pinasahat ni Tuhani tu Ho, ai angka halak na hobas do jumpangan las ni roha.
Selamat Natal dari kami:
Pdt Nekson M Simanjuntak n Family
Tidak ada komentar:
Posting Komentar